جوا عمري
عمر تاني
مايأثرش فيه زماني
عمر طفله بالظفاير
قلبها من الفرحه طاير
حلمها يشبهه عنيها
أخضر زي لون عنيها
عمر ورده ف البستان
فتحت قبل الاوان
مستحيل تلاقيها دبلت
مهما مرت الأيام
عمر بنت ف العشرين
مجنونه زي النسيم
ضحكتها تلقيها طايره
زي موج البحر عاليه
جوا عمري عمر تاني
عمر واحده ف الخمسين
اكتسبت خبره سنين
كل قرارتها أسيره
وسط عمق من التفكير
جوا عمري عمر تاني
#ريهام عصام